بتعملي ايه ببواقي الاكل

بتعملي ايه ببواقي الاكل
كل واحدة تقول باقي عندها ايه من الأكل
وممكن نغيره ازاي
ونحوله لأكلة جديدة

علشان مانرميش حاجه في القمامه

وانا اول واحده هبدأ

بواقى الرز..................

1) بشيله فى الفريزر و لما اجمع حبه مناسبين اضيف له مكرونة مسلوقة و عدس بجبة و يبقى كشرى
وطبعا اعمل دقة و حمص الشام و بصل محمر

2)افضل اجمعه لغايه لما يبقى عندى كمية و افرد نصه فى الصينية و احط فوقهم شوية جزر و بسلة مستوين و 3 او اربع معالق عصاج و افرد باقى الرز فوقهم
وعلى الوش شوية بشاميل و ادخلهم الفرن لغاية لما الوش يحمر و دى صينية الرز بالبشاميل عملتها فى عزومة و عجبت الناس جد
3) ازوده على كفتة السمك
كل ده ببواقى الرز

بواقى الخضار.........................

1) اجمعهم فى كيس فى الفريزر و احطهم فى حشوة صينية الرز بالبشاميل

2)احوشهم و احطهم فى الكبسة الخليجى

3) احوشهم فى الفريزر و اضيفهم على طبخة الخضار المرة اللى بعدها


الفينو او التوست..........................................

االفينو لما بيبقى منه بحوشه وبعدين احمصه في الفرن واعمله بقسماط ناعم للبانيه والبفتيك ..

انا منتظره مشاركتكم علشان نستفيد كلنا..

ميرسى يا سماح وشكرا على مرورك

فعلا موضوع رائع جدا

مشكورة على الموضوع الحلو ياقمر

أنا لما بيزيد عندي الأكل بحطه في الثلاجه لتاني يوم

وما برميش حاجه لانه الاكل الي بيزيد نعمه وحرام يرتمى

عايزين مشاركات يابنات



كل وحده تقول بتعمل ايه بالأكل الي بيزيد

شطورة يا ميرنااااااا
تسلمى عل مرورك

وجزاكى كل الخير